اسلام آباد 14 اکتوبر (اے پي پي) د چين وزيراعظم لي چيانګ د ګل په ورځ په څلور ورځنۍ دوره پاکستان ته رارسيدلے دے۔ د چين وزيراعظم به د خپلي دورې په مهال د هېواد اعليٰ سول او پوځي قيادت سره ملاقاتونه كوي او شنګھائي مرستي تنظيم د حکومتي مشرانو کونسل غونډه كښې به ګډون كوي۔د چين وزيراعظم سره وزيران او اعليٰ چارواكو پلاوي هم راغلي چې پكښې د خارجه وزارت ٬ تجارت وزارت، نېشنل ډويلپمنټ اينډ ريفارم کمېشن او چين نړيوالي پرمختيائي ايجنسۍ افسران هم شامل دي۔ د چين د كوم هم وزيراعظم د تيرو 11 كلونو نه پس دا وړومبۍ دوره ده۔نورخان ائيربيش ته په رارسيدو وزيراعظم محمد شهباز شريف او نائب وزيراعظم او خارجه وزير اسحاق ډار، د وفاقي کابيني غړو او سول اعليٰ سرکاري چارواكو د وزيراعظم لي چيانګ تود هركلے وكړو۔ په دې موقع په روايتي پاکستاني لباس كښې دوو ماشومانو هغه ته د ګلونو ډالۍ وركړه دغسې هغه ته د 21 توپو سلامي هم وكړې شوه۔ د پاکستان د وسله والو ځواكونو يوې چټك ډلي هم ورته سلامي وكړه۔د چين وزيراعظم به دې نه پس په وزيراعظم هاؤس كښې د وزيراعظم شهباز شريف سره ملاقات کوي چرته به چې هغه ته په رسمي توګه د هر كلي دستوره كښې ګارډ آف آنر وړاندې كولې شي۔دې نه پس به دواړه وزيراعظمان د پلاويو په كچه خبرې اترې كوي چې پكښې به پد ټولو اړخونو پشمول اقتصادي او تجارتي اړيكو او چين پاکستان اقتصادي راهدارۍ ترمخه په مرسته د خيالاتو څرګندونه كولې شي۔ډلي به د چين پاکستان اقتصادي راهدارۍ دوايم پړاؤ (سي پيك ټو) او نور ميګا پراجيکټس پشمول د دوه اړخيزه مرستي لا قوي كولو لپاره د مفاهم په يادښتونو لاس ليك هم كوي۔د چين وزيراعظم به د ګوادر نړيوال هوائي ميدان ورچوئل پرانسته هم كوي۔د پاكستان خپلې دورې په مهال به د چين وزيراعظم د صدر آصف علي زرداري او پاکستان پارليماني لارښودو او اعليٰ عسکري قيادت سره ملاقاتونه كوي،دې نه ځانله به هغه په 15-16 اکتوبر په اسلام آباد كښې كيدونكي شنګھائي مرستي تنظيم (اېس سي او) مشرانو کونسل په غونډه كښې هم ګډون كوي۔
د چين وزيراعظم لي چيانګ په څلور ورځنۍ دوره پاکستان ته راورسيد
مضمون کا ماخذ : estratégias loteria وفاقی
متعلقہ مضامین
