ننکانہ صاحب۔5فروری (اے پی پی):وفاقی وزیر انسداد منشیات بریگیڈیئر (ر) اعجاز احمد شاہ آکھیے جو پوری قوم مظلوم کشمیری عوام دے رلے کھڑی اے۔جمعے کوں یکجہتی کشمیر دی تقریب توں خطاب کریندے ہوئیں انہاں آکھیے جو مقبوضہ کشمیر دے عوام گزریل 72 سالاں توں بھارتی ظلم برداشت کریندے پئن، انہاں 5 اگست دے بھارتی اقدام کوں کائنی منیا تے بھارتی ظلم دے سامݨے سینہ تاݨ تے کھڑن ۔ وفاقی وزیر آکھیے جو کشمیر تقریباں تے تقریراں نال آزاد کائناں تھیسی ، اے تقریباں آپݨے جذبہ دے اظہار دا ھک طریقہ ہن لیکن اساں کشمیری عوام کوں ݙساوݨ چاہندوں جو جدوجہد آزادی اچ اساں کشمیری عوام دے رلے کھڑوں ۔ انہاں آکھیے جو بھارت اچ کشمیریاں تے ظلم دے پہاڑ ڈاٹھے ویندے پئن ،کشمیری عوام گزریل 72 سالاں توں بھارت دے ظلم برداشت کریندے پئن انہاں آکھیے جو اساکوں تاریخ توں سبق سکھݨاں چاہیدے ۔
مضمون کا ماخذ : اسکریچ کارڈز کی جیت
