پشاور۔8فروری (اے پی پی):صدر مملکت ڈاکٹرعارف علوی خصوصی لوکاں کیتے معاون ٹیکنالوجی دی اہمیت کوں اجاگر کریندے ہوئیں آکھیے جو حکومت خصوصی لوکاں دی فلاح اتے معاشرےاچ انہاں دی شرکت ودھاوݨ کیتے پرعزم ھے، پیشہ ورانہ تربیت اتے ہنرمندی دی تعلیم ݙے تے خصوصی لوکاں کوں معاشی طورتے خودمختار بݨاوݨ تے توجہ ݙتی ویندی پئی اے ۔خصوصی لوکاں دے حقوق ایکٹ 2020 ء توں انہاں کوں قومی ترقی اچ رلاوݨ اچ مدد مل ویسی ۔او سنوار کوں گورنر ہاؤس ، پشاور اچ خصوصی لوکاں دی بہبود متعلق اجلاس دی صدارت کریندے پئے ہن اجلاس اچ معاونِ خصوصی صحت ڈاکٹر فیصل سلطان ، وزیرِ اعلیٰ خیبر پختونخوا، عالمی ادارہ صحت دے نمائندگان اتے خصوصی لوکاں شرکت کیتی ۔ صدر مملکت کوں خصوصی لوکاں دی فلاح بہبود تے پاکستان اچ معذوری دی ابھردی صورتحال تے بریفنگ ݙتی ڳئی ۔ بریفنگ وچ ݙسایا ڳیا جو پاکستان یونیورسل ہیلتھ کوریج دا گھٹ لاگت آلا موثر پیکیج تیار کرݨ آلا دنیا دا پہلا ملک بݨ ڳئے ۔ صدر مملکت آکھیے جو معذور لوکاں دی بحالی اتے متعدی مرض توں بچݨ کیتے جدید ٹیکنالوجی دے استعمال دی لوڑھ اے ۔ صدر عارف علوی آکھیے جو وزیر اعظم عمران خان خصوصی لوکاں کیتے 2000 روپے ماہانہ وظیفہ ݙیوݨ دا اعلان کرچکن ۔
