اسلام آباد ۔ 30 دسمبر (اے پی پی) وفاقی وزیر ہوا بازی غلام سرور خان آکھیے جو ملائیشیا اچ محصور پاکستانیاں کوں وطن واپس گھن آونڑ دے معاملے اچ وزیراعظم عمران خان دیاں ذاتی کوششاں ہن ، پی آئی اے دی خصوصی پرواز اج 31دسمبر کوں انہاں پاکستانیاں کوں وطن واپس گھن آسی اے گال انہاں سنوار کوں اپنڑے ہک بیان اچ آکھی اے۔ وفاقی وزیر وی ایں سلسلے اچ ذاتی دلچسپی ظاہر کیتی ۔ وفاقی وزیر ہوا بازی، غلا م سر ور خان سی ای او پی آئی اے کوں مسافراں دا خیال رکھنڑ دی ہدایات ڈتن ۔غلام سرور خان آکھیے جو300 توں ودھ پاکستانی پی ائی اے دی خصوصی پرواز دے ذریعے 31دسمبر کوں وطن واپس پج ویسن، اے پاکستانی ملائیشین حکام دی تحویل اچ ہن ۔ وفاقی وزیر ہوا بازی آکھیا جو پاکستانیاں کوں وختی توں وختی واپس گھن آونڑ کیتے خصوصی پرواز دا بندوبست کیتے ۔غلام سرور خان وختی ایں معاملے کوں اہم قومی فریضہ سمجھدے ہوئیں ، ہم وطناں کوں واپس پاکستان پجاونڑ کیتے خصوصی پرواز چلاونڑ دا اعلان کیتے ۔ واضح رہے جو پی آئی اے 31 دسمبر کوں کوالالمپور توں اسلام آباد کیتے خصوصی پرواز چلیندی پئی اے ۔ ملائیشیا اچ محصور 300 توں ودھ پاکستانی اپنڑے پیاریں ڈے پج ویسن ۔ پی کے 9895 کوالالمپور دے مقامی وقت دے مطابق 30 تے31 دسمبر دی وچلی رات3.30 تے روانہ تھیسی تے سویلے 9.50 تے اسلام آباد پج ویسی ،پاکستانی شہری مختلف وجوہات دی بنا تے ملائشیئن حکام دی تحویل اچ ہن ۔وزیر اعظم پاکستان عمران خان دیاں خصوصی کاوشاں نال پاکستانی شہریاں دی رہائی ممکن تھئی اے۔ پی آئی اے ہمیشہ قومی ضرورت دے وقت اپنڑیاں ذمے واریاں نبھاونڑ کیتے قدم ودھائے۔
ملائیشیا اچ محصور پاکستانیاں کوں وطن واپس گھن آونڑ دے معاملے اچ وزیراعظم عمران خان دیاں ذاتی کوششاں شامل ہن ،وفاقی وزیر ہوا بازی غلام سرور خان
مضمون کا ماخذ : resultados loteria São Paulo
متعلقہ مضامین
